ԱՄՆ-ը որոշել է ընդլայնել Սիրիայում գտնվող իր երկու խոշոր ռազմական հենակետերը: Այս մասին հայտնում է Anadolu-ն՝ տեղական աղբյուրներին հղումով:
Նշվում է, որ դրանով Վաշինգտոնը կշարունակի պահպանել իր ներկայությունը տարածաշրջանի նավթահանքերում:
Խոսքը Հասեք գավառի հյուսիս-արևմուտքում գտնվող «Թալ Բայդար» և «Օմար» նավթահանքերի մոտակայքում գտնվող հենակետերի մասին է: Գործակալության աղբյուրները շեշտում են, որ ԱՄՆ-ը սկսել է ընդլայնել իր հենակետերը Վաշինգտոնի և Մոսկվայի միջև լարվածության աճի ֆոնին:
Anadolu-ն նշում է, որ արդեն շինարարական տեխնիկա է տեխափոխվել «Օմար»: «Թալ Բայդար»-ն ընդլայնելու համար Վաշինգտոնը տարածք է ձեռք բերել բազայի մոտակայքում: Հաղորդվում է, որ աշխատանքներն իրականացվում են Ինքնապաշտպանության ժողովրդական ուժերի և Քրդստանի աշխատավորական կուսակցության (ՔԱԿ) աջակցությամբ:
