Ողջ երկրից տասնյակ հազարավոր ամերիկացիներ են ժամանել Վաշինգտոն «Երթ հանուն կյանքի» ամենամյա երթին մասնակցելու համար, որը աբորտների հակառակորդների գլխավոր միջոցառումն է։ Շարժման պատմության մեջ առաջին անգամ ամբիոնից հավաքվածներին է դիմել երկրի նախագահը՝ Դոնալդ Թրամփը։
Ակնհայտ է, որ ԱՄՆ նախագահի համար այս իրադարձությունը կարևոր հարթակ էր նախընտրական արշավ անցկացնելու համար։ Միջոցառման գլխավոր ատրիբուտներից էր դարձել «Կրկին հզորացնենք Ամերիկան» խորհրդանիշը և Թրամփի նկարը պաստառների, դրոշների, շապիկների, կրծքանշանների և այլ հուշանվերների վրա, որոնք վաճառվում էին երթի ընթացքում։
«Ինձ համար մեծ պատիվ էր լինել պատմության մեջ առաջին նախագհը, որը մասնակցել է «Հանուն կյանքի երթին»։ Չծնված երեխաները ավելի ուժեղ պաշտպան Սպիտակ տանը չեն ունեցել․․․ Յուրաքանչյուր կյանք սեր է բերում այս աշխարհին։ Յուրաքանչյուր երեխա ուրախություն է բերում ընտանիք։ Յուրաքանչյուր մարդ արժանի է պաշտպանության»,-ամբոխին է դիմել Թրամփը` Վաշինգտոնի Ազգային ծառուղու բեմից։
