Օրեր առաջ հայտնի դարձավ ԱԱԾ նախկին ղեկավար Գեորգի Կուտոյանի մահվան մասին, որը Քննչական կոմիտեի կողմից որակվեց որպես ինքնասպանություն: Հանրությունը ինքնասպանության վարկածին մեծ վերապահումով է մոտենում: Ո՞ւմ էր ձեռնտու Գեորգի Կուտոյանի և Հայկ Հարությունյանի «ինքնասպանությունները»: Այս թեմայի և ներքին քաղաքական զարգացումների շուրջ «Առաջին լրատվական»-ը զրուցեց քաղաքագետ Արմեն Հովհաննիսյանի և քաղտեխնոլոգ Կարեն Քոչարյանի հետ:
Արմեն Հովհաննիսյանի խոսքով՝ եթե անգամ մարդը ինքնասպանություն է գործում, ապա մինչ այդ բռնություն է կիրառվում նրա հանդեպ, և նա կամավոր հեռանում է կյանքից: «Եթե նույնիսկ Կուտոյանն ինքնասպանություն է գործել, ապա ի՞նչն է առողջ, ամուր տղամարդուն դրդել նման ձևով հրաժեշտ տալ կյանքին, լրջագույն քննության կարիք կա, պետք է պարզել հանգամանքները»: Քաղաքագետը քաղաքական և մերձքաղաքական ուժերին կոչ արեց կեղծ դիվիդենտներ չքաղել. «Խորհուրդ կտամ մահվան վրա վիճակախաղեր չանել. դա ապականում է նրանց հանրային պատկերը»:
Կարեն Քոչարյանի դիտարկմամբ՝ տիրող մթնոլորտն աղետ է, պետք է լուծում գտնել և այդ ուղղությամբ պատասխանատու քայլերը պետք է անեն իշխանությունները: Պետք է վերջ տալ փոխադարձ ատելության մթնոլորտին:
Արմեն Հովհաննիսյանը կոչ արեց, որ հանրային կարծիքի վրա մեծ ազդեցություն ունեցող մարդիկ մարդկանց ագրեսիան ու ցասումը կառուցողական ուղղությամբ տանեն:
Մանրամասն՝ տեսանյութում: