ՀՀ գյուղական և քաղաքային բնակչության շրջանում անցկացված հարցումները ցույց են տալիս, որ հայերի եկամուտների աղբյուրներն են.
աշխատավարձ՝ 3.1 տոկոս,
հարազատներից ստացված դրամական օգնություն՝ 20 տոկոս,
ՀՀ-ից դուրս գտնվող հարազատներից ստացված օգնություն՝ 16 տոկոս,
ՀՀ-ում բնակվող հարզատների օգնություն՝ 4 տոկոս:
Այլ դրամական օգնությունը կազմել է Տ/Տ-ի 9 տոկոսը:
Այլ եկամուտներ՝ 12 տոկոս:
Պետական սոցիալական վճարները կազմել են հետազոտված ընտանիքների 38 տոկոսը:
Հետազոտության ընթացքում հարցում է կատարվել նաև աշխատավարձի չափի մասին.
200 հազար և ավելի աշխատավարձ են ստանում հարցվածների միայն 1.2 տոկոսը,
150-200 հազար դրամ՝ 3.3 տոկոսը,
100-150 հազար դրամ՝ 9.7 տոկոսը,
75-100 հազար դրամ՝ 18.2 տոկոսը,
50-75 հազար դրամ ՝ 17.4 տոկոսը:
Իսկ ընտանիքների կեսից ավելին՝ 50.3 տոկոսը, ստանում է մինչև 50 հազար դրամ աշխատավարձ:
Հաշվարկը ցույց է տալիս, որ ընտանիքների աշխատող անդամների շուրջ 86 տոկոսի աշխատավարձերը չեն գերազանցում 100 հազար դրամը:
Հանրապետության ընտանիքների կենսունակությունը ներկայումս զգալիորեն ապահովվում է դրամական օգնությունների միջոցով, որոնք ստացվում են Տ/Տ դրսում ապրող անդամների կողմից:
Ի դեպ, այս տվյալներին ծանոթանում ենք բնակչության վերարտադրողականության վարքագծի ընտրանքային հետազոտությունից: