Իրանի նախագահ Հասան Ռոհանին հայտնել է, որ իր երկիրը ձգտում է ամրապնդել միջուկային գործարքը: Այդ հայտարարությունն արվել է հունվարի 9-ին Եվրախորհրդի ղեկավար Շառլ Միշելի հետ կայացած հեռախոսազրույցի ընթացքում՝ տեղեկացնում է TASS-ը:
«Իրանը Եվրոպայի հետ մեկտեղ ձգտում է կայունություն հաստատել տարածաշրջանում և ամրապնդել միջուկային գործարքը»,- նախագահի խոսքը մեջբերել է նրա մամուլի ծառայությունը: Ռոհանիի խոսքով՝ «Թեհրանի համար շատ կարևոր է, որ Եվրոպան, Չինաստանը և Ռուսաստանը կարևոր դեր խաղան Գործողությունների համատեղ համապարփակ ծրագրի պահպանման հարցում և պաշտպանեն Իրանի շահերը»:
Նախօրյակին Ռոհանին հայտարարել էր, որ Իրանի ատոմային ծրագիրն իր կողմից պարտավորությունների կրճատման հինգերորդ փուլից հետո, որն ստանձնել էր միջուկային գործարքի շրջանակում, կկրի խաղաղ բնույթ: «Միջուկային գործարքով իր պարտավորությունների կրճատման հինգերորդ փուլը կառավարության՝ կարևոր քայլը դարձավ խաղաղ ատոմային ծրագրի զարգացման ճանապարհին»,- ասել է նա:
Ռոհանիի խոսքով՝ «Թեհրանն ամբողջ աշխարհին հայտարարել է, որ այսուհետև Իրանի Ատոմային էներգիայի կազմակերպությունը ոչնչով սահմանափակված չէ»:
Հունվարի 5-ին իսլամական հանրապետությունը հայտարարել է 2015 թվականի միջուկային գործարքի կրճատման եզրափակիչ փուլի մասին: Թեհրանի նոր քայլը ենթադրում է, որ նա չի կատարելու ուրանի հարստացման համար ցենտրիֆուգների քանակի՝ Իրանի միջուկային ծրագրի վերաբերյալ գործողությունների համատեղ համապարփակ պլանով նախատեսված սահմանափակումները՝ հաղորդել է ՏԱՍՍ-ը: