Ստամբուլում կայացել են Ռուսաստանի և Թուրքիայի նախագահներ Վլադիմիր Պուտինի և Թայիփ Էրդողանի բանակցությունները, որոնք տևել են մեկուկես ժամից փոքր-ինչ ավելի՝ տեղեկացնում է RIA Novosti-ն:
Երկու երկրների ղեկավարների հանդիպումն սկսվել է տեղական ժամանակով մոտավորապես 13:30-ին և ավարտվել 15:00-ից փոքր-ինչ ուշ: Բանակցություններն անցկացվել են մամուլի համար փակ ռեժիմով:
Ավելի վաղ հաղորդվել է, որ ՌԴ-ի և Թուրքիայի նախագահները մտադիր են քննարկել երկկողմ համագործակցության հարցերը, ինչպես նաև մերձավորարևելյան տարածաշրջանի իրադրությունը՝ ներառյալ Սիրիայի և Լիբիայի իրադրությունը, Իրանի և ԱՄՆ-ի հարաբերությունների սրվելը:
