Կրթության, գիտության, մշակույթի, սպորտի նախարարությունը պարզաբանում է տարածել՝ իր աշխատակիցներին տրամադրած պարգևավճարների վերաբերյալ մամուլում տարածված թյուր տեղեկությունների մասին:
Այն ամբողջությամբ ներկայացնում ենք ստորև.
«Antifake.am» կայքը ապատեղեկատվություն է տարածել` ԿԳՄՍՆ բոլոր աշխատակիցների մեկ տարվա աշխատավարձի ֆոնդը ներկայացնելով որպես պարգևավճարների գումար:
Տոներից առաջ ՀՀ ԿԳՄՍՆ-ն «Անտիֆեյք» կայքի` նախարարության աշխատակիցներին տրամադրած պարգևավճարի վերաբերյալ հարցմանն ի պատասխան տեղեկացրել էր, որ նախարարության ամբողջ տարվա աշխատավարձի ֆոնդը կազմում է 1 միլիարդ 774 միլիոն 225 հազար 600 դրամ։ Նշվել էր նաև, թե 2019 թ. ընթացքում որ հոդվածներով և ինչ գումարի չափով է իրականացվել պարգևատրում։ Երեք հոդվածներով նախարարության բոլոր աշխատակիցներին մեկ տարվա ընթացքում որպես պարգևավճար տրամադրվել է 456 միլիոն 209 հազար դրամ։
«Անտիֆեյք» կայքը հրապարակել է սուտ լուր` միավորված երեք նախարարությունների ամբողջ մեկ տարվա աշխատավարձի ֆոնդի թիվը ներկայացնելով որպես աշխատակիցներին տրված պարգևավճար՝ ամենայն հավանականությամբ, ընթերցողների և ֆեյսբուքյան օգտատերերի շրջանում նախարարության մասին բացասական կարծիք ստեղծելու նպատակով կամ էլ լրագրողի չիմացության պատճառով։
‼️Դա անթույլատրելի է ինչպես քաղաքացիներին բարեխիղճ լրատվություն մատուցելու մասնագիտական առաքելության տեսակետից, այնպես էլ զուրկ է որևէ տրամաբանությունից. նման ահռելի գումարը չէր կարող տրամադրվել որպես պարգևավճար։
Կայքին հարցման պաշտոնական պատասխանը ներկայացնում ենք ստորև.
https://www.facebook.com/MoESCS.Armenia/posts/2763752270518716?__xts__[0]=68.ARCkefJLZlvNrNESnToQjVH-chTH85-nPA2DXwiqGDlBeFixVBaQGJuXp4KWikvgSeVNgUoPf3EZfNkVIYh9awj217noy-ZwmbRvZcMoEs0khMMj2zPmnXwrYdHPgLNtqonrX0gdYwdHgax455RQbjA-H1r9ndP7xPliTzjljKEqG0JhyBjw4jBqpM2vgUQxkWgj7q12rKZ_tgq8S48aP0KE1RclLGplUjiDqjHggObK6i7efpPuGH_c–1_UtlMpHHpqmM45LI60ntsXNNcL3Dryq2x9nIVbcLHwO7hKmOKCCSAlDx7z9pHwuZydcEVPk6cIoHwfnqlXU1kK5lR_oQlh-C-&__tn__=-R