ԱՄՆ նախագահ Դոնալդ Թրամփի խորհրդական Ռոբերտ Օ’Բրայենը նշել է, որ իրանցի գեներալ Ղասեմ Սուլեյմանիի սպանությունը երկրի «ինքնապաշտպանությունն» է եղել, հաղորդում է Reuters-ը։
Նրա խոսքերով, օդային հարվածը ծրագրված է եղել․ այն անհրաժեշտ է եղել արյունահեղություններն ու սպանությունները կանխելու համար։
«Դա պաշտպանական գոևծողություն էր»,- պարզաբանել է Օ’Բրայենը։
Նախագահի խորհրդականի տվյալներով, Սուլեյմանին մտադրվում էր երկրում հարձակում գործել ամերիկյան զինվորականների վրա՝ իր գրոհայինների միջոցով։
Ինչպես հաղորդվել է ավելի վաղ, Ղասեմ Սուլեյմանին սպանվել է հունվարի 3-ին ԱՄՆ հրթիռային հարվածի արդյունքում։ Հարվածը հասցվել է ԱՄՆ նախագահ Դոնալդ Թրամփի կարգադրությամբ։ Իրանի նախագահ Հասան Ռոուհանին խոստացել է վրեժխնդիր լինել գեներալի մահվան համար։