ԱՄՆ նախագահ Բարաք Օբաման հայտարարել է, որ ուրբաթ խորհրդակցություններ կանցկացնի եվրոպացի առանցքային առաջնորդների հետ Ռուսաստանի դեմ նոր պատժամիջոցների վերաբերյալ: Այս մասին փոխանցում է RIA Novosti-ն:
«Այսօր երեկոյան ես կբանակցեմ եվրոպացի որոշ առանցքային առաջնորդների հետ՝ համոզվելու, որ նրանք կիսում են ժնևյան հանդիպումից հետո տեղի ունեցած իրադարձությւնների վերաբերյալ իմ գնահատականը»,- ասել է Օբաման՝ հավելելով, որ ԱՄՆ-ն ունի պատժամիջոցների պատրաստի փաթեթ, որը պատրաստ է կիրառել, եթե փոփոխություն չտեսնի Ռուսաստանի գործողություններում: Այս մասին Օբաման ասել է Հարավային Կորեա այցի ժամանակ անցկացված մամլո ասուլիսին:
Նա նաև հավելել է, որ կքննարկվեն հնարավոր տնտեսական պատժամիջոցները:
«Մենք կքննարկենք գործողությունները, այդ թվում՝ տնտեսական պատժամիջոցները, որոնք կարող են ձեռնարկել Ուկրաինում հակամարտության հետագա սրման դեպքում»,-ասել է Օբաման:
