Մոսկվայի հարավարևմտյան շրջանում զանգվածային ծեծկռտուքի արդյունքում վնասվածներ են ստացել 4 քաղաքացիներ, այդ թվում` հայեր:
Ինչպես հաղորդում է aif.ru կայքէջը, միջադեպը տեղի է ունեցել երեկոյան, երբ 40-ամյա Հայաստանի քաղաքացի Սիրաթ Ադանյանն իր եղբոր հետ դուրս է եկել այգում զբոսնելու: Այնտեղ նրանք հանդիպել են ևս երեք հոգու, որոնց հետ ծանոթացել են և ճանապարհը շարունակել միասին:
Սակայն այդ ընթացքում տղամարդկանց միջև ինչ-ինչ խնդիրներ են ծագել, ինչը շուտով վերածվել է կռվի: Արդյունքում հոսպիտալացվել են նրանցից 4-ը` զանազան կարգի վնասվածքներով և սուր-կտրող գործիքներից ստացած վերքերով:
Ըստ բժիշկների` Ադանյանի գլխին հարվածել են շշով, ինչից հետո կոտրված ապակու կտորով էլ հարվածներ են հասցվել մյուսներին:
Իրավապահները դեպքի առթիվ քննություն են տանում: Կռվի բոլոր մասնակիցները հավանաբար եղել են ոչ սթափ վիճակում:
