«Ալմա-Աթա» միջազգային օդանավակայանը, որտեղից թռիչք է կատարել վթարի ենթարկված Bek Air ավիաընկերության ինքնաթիռը, հրապարակել է վթարի ժամանակագրությունը:
Օդանավակայանի ֆեյսբուքյան պաշտոնական էջում հրապարակված տվյալների համաձայն, չվերթին գրանցման մեկնարկը սկսվել է 5:35-ին և ավարտվել մեկ ժամվա ընթացքում:
Ինքնաթիռի թռիչքը մեկնարկել է 7:21-ին և մեկ րոպե անց այն անհետացել է ռադարների տեսադաշտից:
Օդանավակայանի փրկարարական խմբի ողջ անձնակազմի համար ահազանգ է հայտարարվել 7:24-ին: Երեք րոպե անց թիմը հավաքվել է «К» 6-րդ հրապարակում:
Մեկ րոպե անց դեպքի վայր է ժամանել առաջին հրշեջ-փրկարարական խումբը և հաղորդել, որ ինքնաթիռը վթարի է ենթարկվել «B» 18-րդ հրապարակ: Փրկարարների ամբողջ կազմը ժամանել է 7:42-ին:
Ուղևորները, որոնք ունակ էին ինքնուրույն շարժվել, տեղափոխվել են օդանավակայանի տերմինալ, առավոտյան 8:10-ին:
Դեկտեմբերի 27-ին «Fokker-100» ինքնաթիռը վթարի է ենթարկվել Ալմա-Աթայի մոտակայքում: Ինքնաթիռում 98 մարդ է եղել, նրանցից 12-ը զոհվել են: Ալմաթիի բժշկական հաստատություններում շարունակում են մնալ 47 տուժածներ:
Bek Air-ը ժամանակավորապես դադարեցրել է գործունեությունը: