«Կոռուպցիայի դեմ պայքարը, եթե դիտարկենք, որպես գլխագիր, կարող է ամբողջությամբ համահունչ լինել 2019-ին՝ իրավական տեսանկյունից: Դա լավ էր, թե վատ, արդյունքները գոհացուցիչ են, թե ոչ, հարցի բոլորովին այլ կողմն է: Չանդրադառնալով իրացման մեխանիզմների գործիքակազմերին, նշեմ, որ իմ անկեղծ բաղձանքն է, որ այս ոլորտում արձանագրվեն ավելի շոշափելի արդյունքներ, և ամենակարևորը՝ ինքնախաբեությամբ չզբաղվենք, այլ իրացնենք այն քաղաքականությունը, որը ձևակերպված է կառավարության ծրագրում»,- այս մասին «Առաջին լրատվական»-ի հետ զրույցում ասաց արդարադատության նախկին փոխնախարար Տիգրան Խաչիկյանը:
Մեր զրուցակցի կարծիքով՝ կասկածելի է՝ Սահմանադրական դատարանում առկա է ճգնաժամ, թե ոչ: «Բոլոր ոլորտներում փոփոխություններ իրացնելու խնդիր ունենք, բայց դրանք պետք է այնպես իրականացվեն, որ չխաթարվեն սահմանադրական արժեքներ. դա անթույլատրելի է: Հաջողություններ կունենանք, եթե 2020թ. աստիճանաբար լուծենք անկախ դատական իշխանության ինստիտուցիոնալ կայացման խնդիրը»:
Տիգրան Խաչիկյանի դիտարկմամբ՝ 2019-ին արդարադատության ոլորտում կարևոր ձեռքբերումներ են արձանագրվել, որոնցից է ճանապարհային երթևեկության կանոնակարգման բալային համակարգի ներդրման օրենսդրական փաթեթի ընդունումը. «Վարորդների համար բալային համակարգի ներդրումը իշխանության կողմից իրացված ամենահաջող նախագիծն է»:
Մանրամասն՝ տեսանյութում։
