Կազանի «Ռուբին»-ի պաշտպան Սոլոմոն Կվերկվելիան ակումբի պաշտոնական կայքի հետ զրույցում անդրադարձել է Մոսկվայի «Սպարտակ»-ի նկատմամբ 2:1 հաշվով տոնած կամային հաղթանակին, խոսել Հայաստանի ազգային հավաքականի հարձակվող Յուրա Մովսիսյանի՝ այդ խաղում խփած հրաշալի գոլի մասին:
«Մովսիսյանը խելահեղ գոլ խփեց: Իհարկե ես ու Նավասը նրան մոտ էինք գտնվում: Բայց սա ֆուտբոլ է, որտեղ որոշիչ են վայրկյաններն ու սանտիմետրերը:
Երբ դիտում ես կրկնապատկերը, հասկանում ես՝ ինչպես պետք է գործել, բայց խաղադաշտում ամեն ինչ տեղի է ունենում հապճեպ:
Եթե բոլոր դրվագներում պաշտպանությունն ավելի լավ խաղա, քան հարձակումը, ֆուտբոլում գոլեր չեն լինի»,- հայտարարել է Կվերկվելիան:
