ԵՄ-ի միջոցառումները՝ Ուկրաինայի արտադրական և գյուղատնտեսական ապրանքների մեծ մասի վրայից մաքսատուրքերը կես տարով չեղյալ հայտարարելու վերաբերյալ, ակնհայտորեն բավարար չեն Ուկրաինայի տնտեսությունը զարգացնելու համար: Ria Novosti-ի փոխանցմամբ՝ նման կարծիք է հայտնել աշխարհաքաղաքական և հասարակության հետ կապերի փորձագետ, Mediasiete ընկերության նախագահ և գործադիր տնօրեն Պեդրո Մուրինյոն:
Երեկվանից Եվրամիությունը կես տարով չեղյալ է հայտարարել կամ նվազեցրել Ուկրաինայից արտահանվող արդյունաբերական և գյուղատնտեսական ապրանքների մեծ մասի մաքսատուրքերը:
Փորձագետի կարծիքով, սակայն, 6 ամիսը բավարար չէ՝ «Ուկրաինայի արդեն ավերված տնտեսությունը զարգացնելու համար»: Նա հավելել է, որ տվյալ որոշումը քաղաքական ենթատեքստ ունի, քանի որ դրա օգնությամբ Եվրամիությունը «փորձում է խուսափել Ուկրաինայի տնտեսության և կառավարության ազատ անկումից՝ փորձելով դա անել տնտեսության մեջ միջոցների ազդեցության օգնությամբ»:
