«Նորածին երեխան վաճառվում է 500 դոլարով: Երեխան երկու շաբաթական է: Նա քնում է, գիշերները աղմուկ չի բարձրացնում: Նորածնի կաթնային խառնուրդը և հագուստը ներառված են: Կարող եք որպես նվեր վերցնել նաև նրա 4 տարեկան քրոջը», -The sun պարբերականի բացահայտած այս հրապարակումը շոկի ենթարկեց ամբողջ աշխարհին, ու հրավիրեց իրավապահ մարմինների ուշադրությունը հասկանալու համար արդյո՞ք այդ հայտարարությունն իրական է։ Մինչդեռ մենք շոկի ենք ենթարկվում աշխարհում տեղի ունեցող նմանատիպ դեպքերից, այստեղ ՝ Հայաստանում որտեղ ամեն օր խոսվում է ընտանիքի , ավանդույթների, սրբությունների մասին երեխաներ են անհետանում, ավելի կոնկրետ ՝ վաճառվում, հենց ծննդատնից, իսկ նրանց լույս աշխարհ բերած ծնողներին ասվում է թե երեխան մահացած է ծնվել։
Ըստ ծառայության տարածած հաղորդագրության, երկու հայաստանցիներ օգտագործել են իրենց կապերը հանրապետական ծննդատներից մեկում, մի շարք գերատեսչություններում ու նաև մանկատներում, հայաստանյան օրենքների կոպիտ խախտմամբ կազմակերպել փոքրիկների որդեգրումներ օտարերկրյա քաղաքացիների կողմից։ Հանրապետական ծննդատան տնօրեն Ռազմիկ Աբրահամյանը կասկածվում է մի խումբ անձանց կողմից նախնական համաձայնությամբ ծնողներից երեխային ապօրինի բաժանելու մեջ:
Ծնողներից երեխային ապօրինի բաժանելու կասկածանքով ձերբակալվել է ոչ միայն Ռազմիկ Աբրահամյանը, այլև փոխտնօրեն Արշակ Ջերջերյանը, «Երևանի մանկան տան» տնօրեն Լիանա Կարապետյանը: Եվ այս ամենը տեղի է ունեցել մի երկրում որի իշխանությունները տվյալ ժամանակահատվածում զբաղված էին պաթոսային ելույթներ ունենալով ընտանիքի ու այլ սրբությունների մասին, միևնույն ժամանակ աչք փակելով փոքրիկների ճակատագրերի խեղաթյուրման աններելի հանցանքի վրա։ Փող աշխատելը գերագույն նպատակ դարձրած իշխանությունը իրականում թքած է ունեցել այդ դժբախտ ընտանիքիների, մայրերի և անմեղ փոքրիկների վրա։ Ի դեպ, Հայաստանից փոքրիկների ավելի շատ որդեգրել են Իտալիայից ու Միացյալ Նահանգներից: Նախորդ տարվա օրինակով ՝«Մանուկ» տեղեկատվական համակարգի տվյալներով, որդեգրվել է մոտ 40 երեխա: Այս հանցավոր պատմության բոլոր, առանց բացառության բոլոր մասնակիցները պետք է ենթարկվեն խստագույն պատասխանատվության։
