Աֆղանստանի Անկախ ընտրական հանձնաժողովը երկրի գործող նախագահ Աշրաֆ Գանիին հայտարարել է հաղթող սեպտեմբերին տեղի ունեցած պետության ղեկավարի ընտրություններում: Այս մասին հաղորդում է Tolo News հեռուստաալիքը: 2014-ից նախագահի պաշտոնը զբաղեցրած Գանիին իրենց ձայներն են տվել 923 հազար 868 ընտրողներ (50,64%):
Գանիի հիմնական մրցակիցը՝ երկրի գործող վարչապետ Աբդուլլա Աբդուլլան, ստացել է 720 հազար 99 ձայն (39,52%): Վարչապետի շտաբը քվեարկության հրապարակված տվյալները համարել է կեղծ և մեղադրել ընտրական հանձնաժողովին ոչ օբյեկտիվ լինելու և գործող նախագահին աջակցելու համար:
Աֆղանստանի նախագահի ընտրությունները տեղի են ունեցել սեպտեմբերի 28-ին: Ընտրությունների նախնական արդյունքները պետք է հրապարակվեին հոկտեմբերի 19-ին, սակայն մինչ այդ ընտրահանձնաժողովը հայտարարել է քվեարկության արդյունքների ամփոփման հետաձգման մասին:
