«Միսս Արմենիա» համահայկական մշակութային հիմնադրամը ստեղծվել է մեկ նպատակով, որ Հայաստանը հնարավորություն ունենա մասնակցել «Միսս աշխարհ» և «Միսս տիեզերք» ամենահեղինակավոր մրցույթներին, ինչո՞ւ չօգտագործել այդ հարթակները մեր երկրի անունը բարձրաձայնելու համար: Լինելով ոլորտի 22 տարվա ներկայացուցիչ՝ իմ սիրտը ցավում է, որ մեր աղջիկները չեն ունենում այդ հնարավորությունը, և ոլորտում զարգացում չկա»,- «Առաջին լրատվական»-ի հետ զրույցում այս մասին ասաց «Միսս Արմենիա» համահայկական մշակութային հիմնադրամի խորհրդի նախագահ Գոհար Հարությունյանը:
Անդրադառնալով դիտարկմանը, որ «Միսս Արմենիա» համահայկական հիմնադրամի դեմ քրեական գործ է հարուցվել՝ ապրանքային նշանն ապօրինի օգտագործելու համար, Գոհար Հարությունյանը նշեց. «Այո՛, ապրանքանիշի շուրջ խոսակցություններ եղան, բայց արդյո՞ք մարդիկ, ովքեր ունենեին այդ ապրանքային նշանը, օգտագործում էին իր նշանակությամբ: Չի կարելի վերցնել անուն և չօգտագործել, ինչպես որ հողակտոր ունենաս, բայց այնտեղ ոչ մի ծաղիկ չտնկես… Խնդիրն այստեղ անունը չէր, այլ մեր գործունեությունը կանխելը և ինձ վարկաբեկելն էր, սակայն ես չեմ վախենում, և եթե նպատակ ենք դրել, պետք է աշխատենք և մեր աղջիկներին հնարավորություն տանք ավելի հմտանալ այս գործի մեջ և ներկայացնելու մեր երկիրը, մեր երկրի պատմությունն ու մշակույթը»:
«Գեղեցկության մրցույթները գեղեցկության մրցույթ չեն, երկրների մրցույթ են, ուժեղների մրցույթ, և հաղթում է այն երկրի ներկայացուցիչը, որին ամենաշատն է իր երկիրը սատարում»,- նշեց Գ. Հարությունյանը:
Մեր զրուցակիցն անդրադարձավ նաև «Միսս տիեզերք» մրցույթի ներկայացուցիչ Դայանա Դավթյանի շուրջ ստեղծված աղմուկին, որը սկսվեց սոցիալական ցանցերից մեկում նրա գրառումից հետո:
Մանրամասն՝ տեսանյութում: