Ռուսաստանի նախագահ Վլադիմիր Պուտինը մամուլի ասուլիսում ոչ հաստատեց, ոչ էլ հերքեց տեղեկությունները, որ Կատերինա Տիխոնովան և Մարիա Վորոնցովան իր դուստրերն են: Հարազատության փաստը ճանաչել առաջարկել էր BBC-ի լրագրողը։ Նա նշել է, որ չորս տարի առաջ պարոն Պուտինը ասել էր, որ իր երեխաները քաղաքականությամբ և բիզնեսով չեն զբաղվում և, ընդհանուր առմամբ, «ոչ մի տեղ չեն խցկվում»: Բայց այն ընկերությունները, որոնցում գործում են Կատերինա Տիխոնովան (Innopraktika-ի տնօրեն) և Մարիա Վորոնցովան (բաժնետոմսեր ունի Nomeco-ում), անցյալ տարի մեծ եկամուտներ ունեցան, և կանայք հաճախ են հայտնվում հեռուստաէկրաններին:
«Դուք խոսեցիք բիզնեսի հետ կապված հարցերի մասին: Նշեցիք մի կնոջ մասին, նշեցիք երկրորդին, բայց դուք ամեն ինչ չէ, որ պատմեցիք հավանաբար: Դուք նշեցի՞ք նրանց անձնական բաժնետոմսերի քանակի մասին, նշեցի՞ք բիզնեսի ծավալի մասին: Դու ոչինչ չասացիք, ուղղակի փաստեցիք, բայց դա բավարար չէ: Երբ այնտեղ ավելի խոր փորեք, կհասկանաք, թե իրականում ինչպիսի բիզնես է դա, և արդյոք գոյություն ունի այն որպես այդպիսին, և ում է այն պատկանում, և ով է օգնում», – ասել է Պուտինը:
Պուտինը չի մեկնաբանել Կատերինա Տիխոնովայի և Մարիա Վորոնցովայի հետ ունեցած իր ազգակցական կապը: