«Մարտի 1-ի գործը և դրանից ածանցվող գործերը շատ բարդ, ընդգրկուն և ՀՀ պատմության մեջ նախադեպը չունեցող գործեր են: Ուստի սա, ի տարբերություն այլ շատ գործերի, դժվարաշարժ գործ է, այդ թվում նաև՝ դատաքննության փուլի տեսանկյունից»,- «Առաջին լրատվական»-ի հետ զրույցում նկատեց փաստաբան Տիգրան Եգորյանը:
Այնուամենայնիվ, մեր զրուցակիցը չի կարծում, որ Մարտի 1-ի գործի հաստատուն առաջընթացը ինքնին վտանգված է. «Այդ դանդաղ առաջընթացին նպաստում է նաև Քոչարյանի պաշտպանական խմբի մարտավարությունը, որը ըստ էության խարսխված է գործընթացը հնարավորինս հետաձգելու և երկարաձգելու վրա»:
Տիգրան Եգորյանի խոսքով՝ Քոչարյանի պաշտպանները հույս ունեն, որ հնարավոր կլինի չհասնել այս գործի բուն քննությանը՝ առնվազն Քոչարյանի մասով: Նա ենթադրում է, որ այդ թվում նաև՝ այս նույն դրդապատճառը կարող է լինել դատավոր Լուսինե Աբգարյանի ինքնաբացարկի պահանջը Քոչարյանի պաշտպանների կողմից:
Հարցազրույցն ամբողջությամբ՝ տեսանյութում:
