ԱՄՆ նախագահ Դոնալդ Թրամփի փաստաբան Րուդի Ջուլիանը հայտարարել է, որ իրեն հաջողվել է վկաներ և փաստաթղթել հավաքել, որոնք ապացուցում են, որ դեմոկրատները իմպիչմենտի միջոցով փորձում են թաքցնել Burisma ընկերության խախտումները և ԱՄՆ նախկին փոխնախագահ Ջո Բայդենի որդու ներգրավվածությունը միլիոնավոր դոլարներ լվանալու մեջ:
Ջուլիանը նման հայտարարություն է արել Հունգարիա, Ավստրիա և Ուկրաինա կատարած ուղևորություններից հետո, որի ընթացքում նույնիսկ հետաքննչական ֆիլմ է նկարահանել: Փաստաբանը նկարագրում է 16 միլիոն դոլարի շարժի սխեմա մի շարք ընկերությունների միջոցով, այդ թվում՝ կիպրական, որի ավարտին 3 միլիոն դոլար, փաստաբանի խոսքով, հայտնվել է Հանթեր Բայդենի մոտ:
Դեմոկրատները Թրամփի նկատմամբ իմպիչմենտի գործընթաց են սկսել ՝ կասկածելով, որ նա ձգձգել է Ուկրաինային ռազմական օգնությունը և օգնության դեմ պահանջել է հետաքննություն սկսել իր քաղաքական հակառակորդ Ջո Բայդենի և նրա որդու ՝ Հանթերի նկատմամբ: Թրամփը, սակայն, պնդում է, որ նա ուկրաինական իշխանություններից ընդամենը պահանջել է պայքարել կոռուպցիայի դեմ: