Մոսկվայի Վարշավյան ավտոճանապարհի վրա գտնվող պահեստում բռնկած հրդեհի մակերեսն ավելացել է՝ հասնելով 7 հազար քառակուսի մետրի: Այդ մասին դեկտեմբերի 13-ին հայտնել են արտակարգ իրավիճակների նախարարության մայրաքաղաքային վարչության մամուլի ծառայությունում՝ տեղեկացնում է TASS-ը։
«Հրդեհի մակերեսը կազմում է 7 հազար քառակուսի մետր»,-ասել են մամուլի ծառայությունում: Արտակարգ ծառայություններում աղբյուրի տվյալներով՝ փլուզումների մակերեսը կազմել է 200 քառակուսի մետր: Պարբերաբար գազի բալոններ են պայթում:
Հրդեհը Վարշավյան խճուղու գործվածքների պահեստում բռնկվել է դեկտեմբերի 13-ին Երևանի ժամանակով մոտավորապես 13:00-ին՝ 200 քառակուսի մետր մակերեսի վրա: Այրվող պահեստի ներսում պայթում են գազի բալոններ, տեղի է ունեցել մի քանի փլուզում: Կրակն ինտենսիվորեն տարածվում է: Այրվող պահեստում պայթյունից ու փլուզումից հրշեջ է տուժել: