Ստեղծված իրավիճակը մի մասով վարչապետի մեղքը չի, որ այդպիսի համակարգ է ժառանգել, իսկ մյուս մասով իր մեղքն է։ Այս մասին «Առաջին լրատվական»-ի հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
Նրա խոսքով, այն մասով, որ վարչապետը և իշխող ուժը այնպիսի կադրեր են բերել իշխանության, որ պրոբլեմատիկ են և իրենք իրենց ոլորտներում հմուտ չեն, արհեստավարժ չեն և դրա հետևանքով խնդիրներ են առաջանում, դա իշխանության մեղքն է. «Մյուս մասով, որ պետական համակարգը, իրավապահ համակարգը դիմադրում են, դրա համար էլ մենք նախագիծ էինք բերել, որ բարեփոխում իրականացնենք։ Քաղաքական մեծամասնությունն առաջին ընթերցմամբ մեր նախագիծն ընդունեց, երկրորդ ընթերցմամբ մերժեց։ Հիմա մենք ի՞նչ անենք, էլ ո՞նց օգնենք վարչապետին»,-ասաց Մարուքյանը։
«Մենք ամեն ինչ անում ենք, որ բարեփոխումները տեղի ունենան, եթե դրանք ճիշտ բարեփոխումներ են։ Իրավապահ համակարգի հետ կապված հաստատ մենք ամեն ինչ արել ենք, ումի՞ց են բողոքում, ումի՞ց են նեղանում։ Էդ լավ է, որ իշխանությունը գիտակցում է, որ այդ խնդիրները կան, որովհետև շատ դեպքերում ինձ մոտ տպավորություն է, որ իշխանությունները կտրվել են իրականությունից և մտածում են, թե ամեն ինչ շատ լավ է։ Այդ առումով շատ ողջունելի է, որ վարչապետը իրապես գնահատական տվեց այն համակարգին, որն ինքը չի փոխել, մի մասով էլ այնպիսի մարդկանց է ներգրավել, որ ամենօրյա ռեժիմով իր համար խնդիրներ են առաջացնում։ Ինքը մենակ շարունակում է այդ բոլորին իր պաշտպանության տակ վերցնել։ Գոնե այն դեպքերում, երբ մարդը»,-ընդգծեց ԼՀԿ ղեկավարը։