Մոլդովան սկսել է ռուսական հեռուստաալիքներից հրաժարվելու ընթացակարգ: Հանրապետության արտգործնախարար Նատալյա Գերմանը Europa Liberа ռադիոկայանի եթերում դա բացատրել է այն քարոզչությամբ, որը ռուսական ԶԼՄ-ները սկսել են Մոլդովայում հօգուտ եվրասիական ինտեգրման և ընդդեմ եվրոպականի:
Ժողովրդին դրանից զերծ պահելու համար կառավարությունն աջակցել է խորհրդարանական մեծամասնության առաջարկը՝ արգելել առաջատար ռուսական հեռուստաալիքի լրատվական ծրագրերի հեռարձակումը, որոնք համաձայն հարցումների՝ դիտում է տեղացիների 90 տոկոսը: «Հասունության» թեստ են դարձել Ուկրաինայի վերաբերյալ ռուսական թողարկումները:
Նման հեռուստալսարանը չի կարող չանհանգստացնել Քիշնևին, քանի որ Մոսկվայի դիրքորոշումը կարող է ազդել ոչ միայն մոլդովացիների եվրոպական ընտրության, այլև աշնանը կայանալիք խորհրդարանական ընտրություններում նրանց դիրքորոշման վրա:
Արտգործնախարարի խոսքով՝ իշխանությունները 2013-ից անհանգստացած են, որ հանրապետությունում ռուսական հեռուստաալիքները խոսում են մոլդովացիների եվրաինտեգրման այլընտրանքի մասին:
