ՀՀՇ վարչության նախագահ Արամ Մանուկյանն այսօրվա ասուլիսում ներկայացրեց ՀՀՇ համագումարից հետո կուսակցության կատարած աշխատանքները: Վերջինս նշեց, որ անցած չորս ամիսների ընթացքում շուրջ 140 մարդ է անդամագրվել ՀՀՇ-ին, որից 60-65-ը երիտասարդներ են: Արամ Մանուկյանի տեղեկացմամբ` այս ընթացքում ՀՀՇ-ն հրավիրել է հանրապետական խորհրդի 6 եւ վարչության 8 նիստ: «Տարածքային կառույցների ուժեղացման ու ակտիվացման ուղղությամբ արվում են լուրջ քայլեր, եւ մինչեւ տարեվերջ 5 նոր կառույց կունենանք»,- ասաց Մանուկյանը:
Ի դեպ, վերջերս ՀՀՇ երիտասարդական կառույցից մի քանի հոգի է դուրս եկել: Արամ Մանուկյանը տեղեկացրեց, որ դիմում է ներկայացրել 26 հոգի, սակայն նրանց մի մասը ետ է վերցրել դիմումը: Իսկ ՀՀՇ երիտմիությունից դուրս եկածները շարունակում են մնալ ՀՀՇ անդամ: Մանուկյանի տեղեկացմամբ` նրանց մի մասի տարիքը մեծ է եղել, ուստի, չէին կարող երիտասարդական միության անդամ լինել, մի մասը դուրս է եկել բանակ կամ արտերկիր գնալու համար: «Քաղաքական պատճառաբանություն ոչ ոք չի ներկայացրել»,- ասաց Մանուկյանը:
