Դերասան Նիկոլաս Քեյջը մոտ է «Մեծ տաղանդի անտանելի ծանրությունը» մետա-դրամայում ինքն իրեն խաղալուն՝ հաղորդում է The Hollywood Reporter-ը:
Հրապարակման համաձայն՝ Lionsgate լրատվական ընկերությունը գտնվում է կինոնկարի իրավունքների ձեռքբերման շուրջ բանակցությունների վերջին փուլում, և եթե գործարք կայանա, դերում հաստատվելու է Քեյջը:
Քեյջի կերպարը, ըստ սցենարի, շատ է փորձում հասնել հայտնի ռեժիսոր Քվենտին Տարանտինոյի նոր ֆիլմում դեր ունենալու իր երազանքին և պարբերաբար զրուցում է ինքն իր հետ 90-ականներից: Այս խոսակցությունները նրան մղում են ավելի ու ավելի վատ ֆիլմերում խաղացած դերերի և աստղային կարգավիճակի կորստի: Կուտակված պարտքերի ֆոնին Քեյջը մասնակցում է մի երեկույթի՝ ի պատիվ մեքսիկացի միլիարդատիրոջ ծննդյան տարեդարձի, որը, պարզվում է, իրականում թմրաբարոն է, որի կարտելը առևանգել է Մեքսիկայի նախագահի թեկնածուի և միևնույն ժամանակ ԱՄՆ կառավարության գործակալի դուստրը:
Սցենարը, Hollywood Reporter-ի հաղորդմամբ, գրել են Թոմ Գորմիկենը և Քևին Էթթենը:
