Նախկին Հարավսլավիայի հարցով միջազգային տրիբունալը մերժել է ազատ արձակել բոսնիացի սերբերի բանակի նախկին հրամանատար Ռատկո Մլադիչին: ITAR-TASS-ի հաղորդմամբ՝ այս մասին հայտնել է տրիբունալի դատական պալատը:
Ավելի վաղ Մլադիչի փաստաբանները ներկայացրել էին ազատ արձակման հայց՝ մատնանշելով, որ մեղադրող կողմը նրա մեղավորության բավարար ապացույց չունի:
Ռատկո Մլադիչը մեղադրվում է 1992-1995թթ. բոսնիացի մուսուլմանների, սերբերի և խորվաթների ու Բոսնիա և Հերցեգովինայում այլ էթնիկ խմբերի նկատմամբ ցեղասպանության և մի շարք այլ հանցագործությունների մեջ:
Նրա դեմ մեղադրանքներն առաջադրվել են 1995 թ.: Այդ օրվանից նա խուսափում էր արդարադատությունից, բայց 2011-ին ձերբակալվել է ու հանձնվել Նախկին Հարավսլավիայի հարցով միջազգային տրիբունալին:
