Լուրեր
Հայ-թուրքական հարաբերությունների կարգավորման բանալին Մոսկվայում է. ինչ կհետևի Լավրովի երևանյան այցին
  • 18:30
  • 2019-11-11
  • Դիտումներ՝ *

Ռուսաստանի արտգործնախարար Սերգեյ Լավրովը պաշտոնական այցով գտնվում է Հայաստանում։

Թավշյա հեղափոխությունից հետո առաջին անգամ է Հայաստան ժամանում Սերգեյ Լավրովը, որից առաջ նա բացառիկ հարցազրույց էր տվել Mediamax-ին։ Ինչպիսի՞ն են ձեր տպավորություններն այդ հարցազրույցից․ «Առաջին լրատվական»-ի հարցին քաղաքագետ Սուրեն Սարգսյանը պատասխանեց․ «Մեծ հարցազրույց է եղել, որում նա տարբեր թեմաների է անդրադարձել, հարցերը բավականին հետաքրքիր էին։ Իրականում շատ հետաքրքիր գնահատականներ, մոտեցումներ կային հայ-ռուսական հարաբերություններում։ Խոսք կար նաև հայ-թուրքական հարաբերությունների մասին։ Այսինքն՝ հարցազրույցը Լավրովի ոճով էր՝ շատ հստակ, շատ կոնկրետ, շատ լակոնիկ, շատ չտարածվելով ու սպառիչ պատասխաններ տալով։ Կառանձնացնեի միայն մի հատված, որն իմ ուշադրությունը գրավեց, դա հայ-թուրքական հարաբերությունների հարցն էր։ Այն իրականում չափազանց կարևոր հարց է, որովհետև, եթե տաս տարի առաջ հայ-թուրքական հարաբերությունների բանալին գտնվում էր Վաշինգտոնում, ապա այս պահի դրությամբ դրանք Մոսկվայում են։ Եվ շատ զարմանալի է, որ այս հարցը հնչեց Mediamax-ին տված հարցազրույցի ժամանակ, և հնչեց նաև այսօր՝ մամուլի ասուլիսի ժամանակ։ Այսինքն՝ չգիտես, թե ինչու փորձ է կատարվում Ռուսաստանի ձեռամբ այն բերել օրակարգ։ Չգիտեմ՝ սա պատահականությո՞ւն է, թե՞ կան շարժառիթներ, բայց, կարծես թե, հայ-թուրքական հարաբերություններում այս պահին ինչ-որ գործընթացներ են ընթանում»։

Իսկ քաղաքագետ Նարեկ Մինասյանն էլ ասաց․ «Թավշյա հեղափոխությունից հետո Լավրովը պաշտոնական այցի շրջանակներում էր առաջին անգամ Հայաստանում, ինչը բավականին կարևոր է։ Հեղափոխությունից հետո ինչ-որ սպասողական փուլ կար, երբ ռուսական քաղաքական շրջանակները փորձում էին հստակեցնել, թե, այնուամենայնիվ, հայտարարություններից անկախ, բուն գործողություններով, քայլերով ուր է գնում Հայաստանի կառավարությունը։ Այժմ նրանք կարծես թե համոզվել են, որ կտրուկ շրջադարձերի թեզը, որը հայտարարվել էր, կարծես գործում է, և հնարավորություն է տալիս երկրում օրակարգին անդրադառնալ։ Այսինքն՝ նրանց մոտ նկատվում է Հայաստանի իշխանությունների նկատմամբ վստահության էլեմենտը»։

 

 

 

Մանրամասները՝ տեսանյութում։

  • Դիտումներ՝ *