Հիպ-հոփ կատարող Քանյե Ուեսթը հայտարարել է, որ ծրագրում է պայքարել 2024թ. ԱՄՆ նախագահի պաշտոնի համար: Այս մասին հաղորդում է Hollywood Reporter-ը:
Նյու Յորքում ելույթ ունենալով Fast Company Innovation Festival-ին՝ ռեփերը սկսել է խոսել այն մասին, որ պետք է առաջադրվի: Հանրությունը նրա խոսքերը դիմավորել է ծիծաղով, և Ուեսթը հարցրել է՝ ինչի՞ վրա են նրանք ծիծաղում. «Մենք կստեղծենք այնքան աշխատատեղ»: Նա նաև ուշադրություն է հրավիրել այն հանգամանքի վրա, որ յուրաքանչյուր երրորդ աֆրոամերիկացի նստած է բանտում:
«Մարտին Լյութեր Քինգին սպանել են ոչ թե այն բանի համար, որ նա ունեցել է երազանք. նա խոսել է սևերի իրավունքների և հնարավորությունների ընդլայնման մասին, տնտեսական հնարավորությունների ավելացման մասին»,- հավելել է նա:
2018 թվականին Ուեսթը հայտարարել է, որ Թրամփի նախընտրական կարգախոսը՝ «Ամերիկան կրկին մեծ կդարձնենք», վիրավորական է աֆրոամերիկացիների համար: «Մի՞թե նախկինում մեզ համար Ամերիկայում լավ էր: Ես պատրաստել եմ նոր գլխարկ, որի վրա գրված էր՝ «Ամերիկան կդարձնենք մեծ», և Թրամփը հագել է այն, այնպես որ՝ նա հարմարվում է և լսում»,- ասել է Ուեսթը:
Ուեսթը աջակցել է Թրամփին 2016թ. նախագահական ընտրություններում հանրապետականների հաղթանակից հետո:
