Google համացանցային կորպորացիան ձեռք է բերել Titan Aerospace ընկերությունը, որը մասնագիտացած է արևային էներգիայով անօդաչու թռչող սարքերի արտադրության մեջ՝ հայտնում է The Financial Times-ը:
Շնորհիվ գործարքի՝ ընկերությունը կկարողանա համացանցով ապահովել զարգացող երկրներին, որտեղ ծառայությունն այնքան էլ զարգացած չէ:
Titan Aerospace-ը պետք է համալրի Google-ի սեփական նախագիծը՝ Project Loon-ը, որի շրջանակում ամերիկյան կորպորացիան ստեղծում է օդապարիկների համակարգ՝ Երկրի հեռավոր շրջանների բնակիչներին ինտերնետ-ազդանշան հասցնելու հնարավորությամբ:
Ավելի վաղ հաղորդվում էր, որ Titan Aerospace-ը ցանկանում է ձեռք բերել Facebook-ը: Facebook-ը հետաքրքրված էր Titan Aerospace-ի տեխնոլոգիաներով Internet.org նախագծի շրջանակում, որը գլխավորում է սոցցանցը: Դրա հիմնական նպատակն է ամբողջ աշխարհում 5 մլրդ մարդու ապահովել համացանցով:
Մարտի վերջին Facebook-ը հայտարարեց Connectivity Lab լաբորատորիայի գնման մասին, որտեղ ծրագրում է մշակել անօդաչու թռչող սարքեր, մթնոլորտային արբանյակներ ու լազերներ, որպեսզի կարողանա համացանցային հասանելիություն ապահովել բոլոր ցանկացողներին:
