Ուզեդոմ կղզու Հերինգսդորֆ գերմանական համայնքում նոյեմբերի 3-ին «սոլյանկայի» պատրաստման համաշխարհային ռեկորդ է սահմանվել, այստեղ այդ ապուրը եփել են ամենամեծ կաթսայով։ Խոհարար Անդրե Դոմկեն կերակուրը պատրաստելու համար օգտագործել է ռեկորդային՝ 100 կիլոգրամ ատլանտյան ձողաձուկ, տեղեկացնում է «Նեմեցկայա վոլնա»-ն։
Արդյունքը պաշտոնապես գրանցվել է Գերմանիայի Ռեկորդների ինստիտուտի կողմից (RID)։ RID-ի ներկայացուցիչ Օլաֆ Կուխենբեքերն ասել է, որ խոհարարին հաջողվել է պատրաստել 268 լիտր «սոլյանկա»։ Նախկին համաշխարհային ռեկորդը կազմել է 250 լիտր։
Ռեկորդի պաշտոնական սահմանումից հետո «սոլյական» լցրել են ափսեները, և այն կարողացել են համտեսել մոտ հարյուր հանդիսատեսներ, որոնք ներկա էին համաշխարհային ռեկորդի սահմանմանը։ Միջոցառումից հավաքված միջոցների մի մասը կուղղվի բարեգործությանը։
Աշխարհում «սոլյանկայի» ամենամեծ կաթսան Անդրե Դոմկեի առաջին խոհարարական ռեկորդը չէ։ 2018-ին նա դարձել է ամենամեծ լցոնած ձկան պատրաստման աշխարհի չեմպիոնը՝ եփելով 182 կիլոգրամանոց չափաբաժին։