ԱՄՆ-ը պատասխանատվության իր բաժինն ունի Ուկրաինայում քաղաքացիական պատերազմի սանձազերծման համար, կարծում է Վիկտոր Յանուկովիչը, որը հայտարարում է իր լեգիտիմության մասին՝ որպես Ուկրաինայի նախագահ:
«Ցանկանում եմ նաև հայտարարել վերջին իրադարձություններին Ամերիկայի Միացյալ Նահանգների ուղղակի առնչության մասին, որը ոչ միայն կոպտորեն միջամտում է երկրում տեղի ունեցող իրադարձություններին, այլև մատնանշում է, թե ինչ ու ինչպես է հարկավոր անել»,- հայտարարել է Յանուկովիչը:
Նա նաև կարծում է, որ Ուկրաինային պառակտումից կարող է փրկել միայն արտահերթ հանրաքվեն:
Նա բացատրել է, որ Ուկրաինային նախ հարկավոր է անցկացնել հանրաքվե, ապա ընդունել նոր սահմանադրություն, իսկ հետո անցկացնել խորհրդարանական ընտրություններ:
«Հիմա միայն ծառացած է շտապ հանրաքվե անցկացնելու հարցը, որը կարող է երկիրը պաշտպանել պառակտումից: Դա միակ որոշումն է»,- ասել է Յանուկովիչը:
