«Ադրբեջանում ուժերի որոշակի փոխդասավորություն է ընթանում և վերջին մեկ շաբաթվա ընթացքում այնպիսի պաշտոնանկություններ են արվել, խոսքը 70-80-անց մարդկանց պաշտոնանկությունների մասին է, բայց այդ մարդիկ ներկայացնում են Իլհամ Ալիևի հայրական գվարդիան, որոնք մշտապես եղել են ադրբեջանական իշխանական համակարգի հիմնասյունը»,-անդրադառնալով Ադրբեջանում ներքաղաքական զարգացումներին, պաշտոնանկություններին՝ մեզ հետ զրույցում ասաց ԱԺ «Իմ քայլը» խմբակցության պատգամավոր Տաթևիկ Հայրապետյանը:
Պատգամավորը նշեց, որ առանձնակի ուշադրության է արժանի Ռամիզ Մեհթիևի՝նախագահի աշխատակազմի ղեկավարի պաշտոնից ազատվելը, որը 81 տարեկան է և 24 տարի զբաղեցնում էր նույն պաշտոնը և համարվում «գորշ կարդինալը», որը մշտապես վերահսկել է Ալիևին: