![](https://www.1in.am/assets/uploads/2019/10/01-999.jpg)
ՀՀ վարչապետ Նիկոլ Փաշինյանը ռուսական Коммерсантъ պարբերականին տված հարցազրույցում անդրադարձել է ԵԱՏՄ-ի և Սերբիայի միջև ազատ առևտրի գոտու մասին համաձայնագրի ստորագրմանը՝ կարևորելով ԵՄ-ի հետ համագործակցության համատեքստում Բելգրադի հետ պայմանավորվածությունը:
«Պայմանագիր է ստորագրվել ազատ առևտրի մասին: Մեծ է հավանականությունը, որ Սերբիան ԵՄ անդամ երկիր կդառնա: Դա շատ լավ է: Մենք իրավիճակն այնպես չենք ընկալում, որ պետք է ընտրենք Ռուսաստանի և Եվրոպայի միջև»,- ասել է Փաշինյանը՝ շեշտելով, որ Ռուսաստանը եվրոպական քաղաքակրթության անբաժանելի մասն է:
«Ժամանակին եվրոպացի միապետները խորհուրդ են տվել հայերին Ռուսաստանի օգնությամբ կապ հաստատել Եվրոպայի հետ, այսինքն՝ Ռուսաստանը մեր տարածաշրջան է եկել որպես եվրոպական ուժ: Ռուսական քաղաքակրթությունը եվրոպական քաղաքակրթության անբաժանելի մասն է: Ճիշտ է, Ռուսաստանը նաև եվրասիական քաղաքակրթության մաս է կազմում և վառ օրինակ է, թե ինչպես կարող են ազատ գոյակցել Արևելքն ու Արևմուտքը: Մեզ համար սակայն Արևելք-Արևմուտք ընտրության հարց չկա: Մենք ԵԱՏՄ անդամ ենք և ԵՄ-ի հետ համագործակցության համաձայնագիր ունենք»,- եզրափակել է Փաշինյանը: