«Հովհաննես Քոչարյանը բարձր պրոֆեսիոնալիզմ ունեցող անհատականություն է, բավականին մեծ ծավալի աշխատանք ունի կատարած և՛ ոստիկանական համակարգում, և՛ ընդհանրապես իրավական բարեփոխումների գործընթացներում: Իմ անձնական վստահությունն այն է, որ Քոչարյանը դեռևս շատ օգտակար կլինի մեր պետությանը և ծառայություններ կմատուցի: Մեր փոխհամագործակցությունը շարունակվում է»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Արմեն Խաչատրյանը՝ անդրադառնալով օրերս ՀՀ փխոստիկանապետ Հովհաննես Քոչարյանի հրաժարականին: Նրա խոսքով՝ ոստիկանությունը պետք է քաղաքական գնահատականներից զերծ մնա: