Մեկ շաբաթ առաջ, երբ Հագիբիս թայֆունը տանջում էր Ճապոնիային՝ սպանելով մոտ 80 մարդու, նաև լուրջ վնաս հասցրեց ենթակառուցվածքին։ Պարզվեց՝ հարյուրից ավելի ճապոնական արագընթաց գնացքներ կարող են մետաղի ջարդոնի վերածվել, քանի որ Շինկանսենի պահեստը հեղեղվել է տեղատարափ անձրևներից ու գետերի բարձրացումից:
JR-ն դեռ պետք է որոշի վնասի չափը, բայց արդյունաբերության մասնագետները պատրաստվում են վատագույնին։ Ճապոնական արագընթաց գնացքները ջրակայուն են, այնուամենայնիվ, դա վերաբերում է դրանց շահագործման սովորական պայմաններին, մինչդեռ Նագանոյի պահեստի 120 գնացքներ մեկ օր ամբողջովին մնացել են ջրի տակ:
«Եթե ջուրը թափանցել է սարքավորումների ներսը, այն այլևս չի գործի», – ճապոնական արագընթաց գնացքներ մատակարարող ընկերության ներկայացուցչին մեջբերում է Iomiuri թերթը։
«Ավելի հեշտ և արագ կլինի նոր գնացքներ կառուցելը, քան փորձել վնասված հատվածները վերականգնել», – ասաց նա: Մեկ Շինկանսենի միջին գինը (որը կոչվում է նաև «փամփուշտ-գնացք»), կազմում է մոտ 3 միլիոն դոլար: Այսպիսով, տրանսպորտային ընկերության վնասները կարող են գերազանցել 350 միլիոն դոլարը:
