Ղրղզստանի նախագահի նախկին թեկնածու Արսթանբեկ Աբդըլդաևի դեմ քրեական գործ է հարուցվել․ նա նախկինում իրեն աստված էր հայտարարել Երկրի վրա: Բիշքեկի ՆԳՆ գլխավոր վարչությունում, ըստ Interfax-ի, տեղեկացրել են, որ քաղաքական գործիչը կասկածվում է ծայրահեղականության մեջ:
Գործի հարուցման պատճառն Աբդըլդաևի ելույթն էր մամուլի ասուլիսներից մեկում, որտեղ նա ոչ միայն իրեն անվանել է աստված, այլև հայտարարել է, որ 2020 թվականին կդառնա տիեզերքի նախագահ: Ըստ իրավապահների՝ այս հայտարարությունները այժմ ուսումնասիրվում են փորձագետների կողմից ռասայական, էթնիկական, ազգային, կրոնական կամ միջտարածաշրջանային թշնամանքի առկայության տեսանկյունից: Կրոնական ուսումնասիրությունների և լեզվական քննությունների արդյունքների հիման վրա քաղաքական գործչի գործողություններին կտրվի իրավական գնահատական:
Աբդըլդաևը առաջադրել է իր թեկնածությունը նախագահական ընտրություններում երկու անգամ ՝ 2011 և 2017 թվականներին:
