ԱՄՆ նախագահի անվտանգությունն ապահովող Գաղտնի ծառայության աշխատակիցների համար ալկոհոլի օգտագործումը սահմանափակվել է:
Այժմ գործակալներին արգելվում է ծառայության սկսվելուց 12 ժամ առաջ ալկոհոլ օգտագործել և 24 ժամ առաջ՝ այն դեպքում, եթե աշխատակիցը պաշտոնական ուղևորությունների ժամանակ պետք է ուղեկցի նախագահին: Այս մասին հայտնում է Washington Post-ը:
Բացի այդ, Գաղտնի ծառայության տնօրեն Ջուլիա Պիրսոնն իջեցրել է հատուկ օպերացիաներով զբաղվող ստորաբաժանման ղեկավար Դեն Դոնահյուի և ևս մի քանի աշխատակիցների պաշտոնները:
Վերջին սկանդալներից մեկը, որը կապված է այդ ծառայության աշխատակիցների հետ, տեղի է ունեցել մարտին՝ Նիդերլանդներում, որտեղ իրականացվել է Օբամայի այցի նախապատրաստություն: Այդ ժամանակ Գաղտնի ծառայության ղեկավարությունը հայրենիք էր վերադարձրել երեք ծառայողի՝ հարբեցողությամբ զբաղվելու համար:
