«Մամուլի հետ սուրճ» հաղորդման հոկտեմբերի 11-ի հյուրը Para TV-ի լրագրող Արման Սուլեյմանյանն է։
Մեր զրուցակիցն անդրադարձավ «ֆեյսբուք» սոցիալական ցանցի քննարկումներին՝ հատկապես Վիտալի Բալասանյանի վերջին հայտարարությունների հետ կապված.«Վիտալի Բալասանյան-Նիկոլ Փաշինյան հակամարտությունը մանկապարտեզային մակարդակի վրա է, քննարվում է՝ ով որ ճամբարից է, ով ում է սիրում կամ չի սիրում։ Մեծ հաշվով՝ եթե մենք քննարկման պատշաճ մակարդակ ունենայինք, մարդիկ պարզ հարց կտային՝ արդյոք Վիտալի Բալասանյանը ունի սեփական զինված խմբավորում, որը կարող է վնաս տալ ներկա իշխանություններին»։
Սուլեյմանյանը միևնույն ժամանակ նշեց.«Թող ինձ ներեն բոլոր ազատամարտիկները, բայց նախկին վետերանները հաթաթա տալու հակում ունեն։Խնդիրը Վիտալի Բալասանյանը չէ, ես շատ լավ բաներ եմ լսել իր մասին։Եթե նա արժանիքներ ունի պատերազմի ժամանակ, արդյոք դա իրեն իրավունք է տալիս այսօր հաթաթա տալ վարչապետին»։