Ժողովրդական պատգամավոր և Roshen ընկերության սեփականատեր Պյոտր Պորոշենկոն Ուկրաինայի նախագահի ամենահայտնի թեկնածուն է: Նրա համար պատրաստ է քվեարկել երկրի բնակիչների 21 տոկոսը: Այս մասին գրում է Ria Novosti-ն՝ վկայակոչելով Baltic Surveys/The Gallup Organization ընկերության իրականացրած հարցումը:
«Ո՞ւմ օգտին եք պատրաստվում քվեարկել Ուկրաինայի նախագահական ընտրություններին»՝ հարցումն ուղղվել է Ուկրաինայի մշտական բնակիչներին: Պորոշենկոն հավաքել է ընտրողների ձայների 21 տոկոսը, Ուկրաինայի նախկին վարչապետ Յուլյա Տիմոշենկոն՝ 11 տոկոս, ՈՒԴԱՌ կուսակցության առաջնորդ Վիտալի Կլիչկոն՝ 10 տոկոս, չնայած նա հայտարարել է, որ իր թեկնածությունը չի առաջադրի և առաջարկել է քվեարկել Պորոշենկոյի օգտին: Գերագույն ռադայի պատգամավոր Սերգեյ Տիգիպկոյի օգտին պատրաստ է քվեարկել ընտրողների 6 տոկոսը:
