Օկլահոմայից (ԱՄՆ) ֆերմեր Կարլ Բերնսը յուրահատուկ վառ գույնի հատիկներով եգիպտացորեն է աճեցրել՝ հայտնում է kedem.ru-ն:
Rainbow Corn կամ Glass Gem սորտի եգիպտացորենի մի կողրում կարող են մի քանի տասնյակ գույնի ու երանգի հատիկներ լինել: Ծիածանանման եգիպտացորենի ստեղծման համար երկար տարիներ են պահանջվել: Ֆերմերն ընտրել է մի քանի գունավոր հատիկ ունեցող կողրեր, որոնք երբեմն աճել են, ցանել է դրանց հատիկները, խաչասերել բույսերը, մինչև ստացել է գունավոր եգիպտացորեն:
Կարլ Բերնսի մահից հետո սերմերը մնացել են նրա ընկերոջ մոտ, ով գունավոր եգիպտացորենի սերմերը փոխանցել է Արիզոնայի սերմերի հիմնադրամին: Այժմ ցանկացած ֆերմեր կարող է ձեռք բերել այդ յուրահատուկ եգիպտացորենի սերմից:
