ԱՄՆ նախագահ Դոնալդ Թրամփի փաստաբան Ռուդի Ջուլիանին մեղադրում է ուկրաինական կողմին ԱՄՆ նախագահի թեկնածու Ջո Բայդենի որդու՝ Հանթերի համար 3 միլիոն դոլար լվանալու մեջ: Այդ մասին հայտնում է Fox News- ը:
Ջուլիանին հայտարարել է, որ Բայդենը մեծ գումարներ է վաստակել՝ պետական պաշտոններ վաճառելով: Նա վրդովված է այն բանից, թե ինչպես նախկին նախագահ Բարաք Օբաման կարող էր թույլ տալ, որ դա տեղի ունենա:
Թրամփի փաստաբանի խոսքով՝ Հանթեր Բայդենը Ուկրաինայից միանվագ ստացել է 3 միլիոն դոլար: Այս վճարումը անցել է Լատվիայով և Կիպրոսով նախքան Բայդենի որդուն հասնելը:
Հատկանշական է, որ Ջուլիանին չի հայտնել, թե ինչպես է նա իմացել ենթադրյալ գործարքի մասին:
«Արդյո՞ք Օբաման գիտեր, որ իր փոխնախագահը, որին նա որպես պատասխանատու նշանակել է Ուկրաինային միլիարդավոր դոլարներ տրամադրելու համար, ունի մեկ որդի, ով միլիոններ է վաստակել Ուկրաինայի ամենակոռումպացված ընկերություններից մեկի տնօրենների խորհրդում», – եզրափակել է Ջուլիանին: