Լուրեր
Սերժ Սարգսյանի՝ հետախուզման մեջ գտնվող եղբոր կազմակերպությանը պետբյուջեից տրվելու է 1,5 մլրդ դրամ. Մանե Թանդիլյան
  • 11:22
  • 2019-09-23
  • Դիտումներ՝ *

Այսօր՝ սեպտեմբերի 23-ին, Ազգային ժողովում հրավիրվել է արտահերթ նիստ: Օրակարգում Հարկային օրենսգրքում փոփոխություններ և լրացումներ կատարելու մասին օրենքի նախագիծը 2-րդ ընթերցմամբ ընդունելու մասին հարցն է:

Ինչպես հայտարարեց «Լուսավոր Հայաստան» խմբակցության պատգամավոր Մանե Թանդիլյանը՝ այդպես էլ չհրապարակվեցին այն խոշոր տնտեսվարողների անունները, որոնց պետք է վերադարձվեն այս գումարները. «Դա անընդհատ քողարկվում է գաղտնիության տակ: Մենք պետք է իմանանք, թե բյուջեից ում ենք վերադարձնում գումարները»:

Պատգամավորը նշեց, որ իր տվյալներով՝ մի խոշոր գումար՝ մոտ 1,5 մլրդ, վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին. «Ըստ էության, մենք ունենք հետախուզման մեջ գտնվող մի ընտանիք, որի կազմակերպությանը վերադարձվելու են այս գումարները»:

Նա նշեց, որ այժմ պետք է դադարեցվի քվեարկությունը և առնվազն փակ ռեժիմով պետք է տեղեկացվի, թե ում են վերադարձվում այդ գումարները:

 

Մանրամասները՝ տեսանյութում:

  • Դիտումներ՝ *