Ռուսաստանի վարչապետ Վլադիմիր Պուտինը խուլիգանություն է անվանել ամերիկացի իր գործընկերների գործողությունները, որոնք փորձում են իրենց բյուջետային խնդիրները լուծել արժութային լրացուցիչ ներարկումների միջոցով: Այս հայտարարությունը նա արել Մոսկվայում՝ հանդիպելով ռուսաստանցի հայտնի տնտեսագետների հետ:
«Մենք, փառք Աստծո կամ դժբախտաբար, չենք կարող լրացուցիչ արտարժույթ տպել: Իսկ ի՞նչ են նրանք անում. պարզապես խուլիգանություն, հաստոցը միացնում են և շաղ տալիս ամբողջ աշխարհով մեկ` լուծելով իրենց առաջնային խնդիրները»,- ասել է Պուտինը:
Նա հավելել է, որ ԱՄՆ-ն օգտագործում է արտարժույթ տպելու իր մենաշնորհը ողջ թափով: Ընդ որում, նա ուշադրություն է հրավիրել այն փաստի վրա, որ Ռուսաստանը ստիպված է հետևել բյուջետային ավելի կոշտ քաղաքականության:
