ISRAland-ի փոխանցմամբ՝ այս տարի հունիսին գրեթե 60,000 իսրայելցիներ հանգստանալու նպատակով մեկնել են Թուրքիա։ Դա 40 տոկոսով ավելի է, քան նախորդ տարվա հունիսին։
Թուրքիայից բացի, իսրայելցի զբոսաշրջիկները նախընտրում են հանգստանալ Բուլղարիայում, Հոլանդիայում, Հունաստանում։ Իսկ ամենամեծ աճը (100 տոկոսանոց) ունեցել է Ուկրաինան։
Իսրայելական կողմը նշում է, որ դեպի Թուրքիա իր զբոսաշրջիկների նման աճը թեև անակնկալ էր, այնուամենայնիվ սպասելի էր։ Իսրայելցիները շատ են սիրում հանգստանալ այն հյուրանոցներում, որոնցում գործում է «ամեն ինչ ներառված է» սկզբունքը։ Այս պլանում Թուրքիան տուր-փաթեթների գնի ու որակի առումով այլընտրանք չունի։
Միևնույն ժամանակ նշվում է, որ 2011 թվականի առաջին կիսամյակին Իսրայել է այցելել 1.6 միլիոն օտար զբոսաշրջիկ։
