Ուկրաինայի տապալված նախագահ Վիկտոր Յանուկովիչը հարցազրույց է տվել Associated Press-ին, որում պատմել է ներկայիս իրավիճակի, Ղրիմի հանրաքվեի վերաբերյալ իր տեսության մասին, խոսել է Ուկրաինայի պետական կառոցվածքի ապագայի վերաբերյալ իր հայացքներից:
Յանուկովիչը մասնավորապես հաստատել է, որ ինքն է Պուտինին խնդրել ռուսական զորքերն օգտագործել՝ «Ուկրաինայի քաղաքացիների կյանքը պաշտպանելո համար»:
Յանուկովիչը կարծում է, որ Ուկրաիանում նախագահական ընտրությունները ոչ լեգիտիմ կլինեն: Ըստ նրա՝ դրանք չեն լինի հօգուտ հասարակության և պետության և կապակայունացնեն մթնոլորտը:
«Ընտրությունները ոչ լեգիտիմ կլինեն, քանի որ ներկայիս իշխանությունները լեգիտիմություն չունեն»,- նշել է Յանուկովիչը՝ հավելելով, որ ընտրությունների անցկացումից առաջ սահմանադրական փոփոխություն է անհրաժեշտ:
Բացի այդ, նախկին նախագահը նշել է, որ Ուկրաինան՝ որպես երկիր, փլուզվում է: «Եթե նման բան լիներ իմ օրոք, ես կփորձեի դա թույլ չտալ»,- ասել է նա:
Անդրադառնալով Ղրիմում տեղի ունեցող իրադարձություններին՝ նա դա անվանել է «ողբերգություն, որի հետ այսօր շատ դժվար է համաձայնվել»:
«Սա վառ օրինակ է այն բանի, երբ այդպիսի խոշոր շրջանի բնակչությունը նման բողոքական տրամադրությունների ֆոնին հանրաքվե է անցկանցում և փաստացիորեն դուրս գալիս Ուկրաինայի կազմից: Ես անձամբ դրա հետ չեմ կարող համաձայնվել»,- ասել է Յանուկովիչը:
