ԱՄՆ նախագահ Դոնալդ Թրամփը հայտարարել է, որ Ջոն Բոլթոնի հեռանալուց հետո ԱՄՆ պետքարտուղար Մայք Պոմպեոն ազգային անվտանգության հարցերով խորհրդական չի նշանակվելու։ Այս մասին հաղորդում է Reuters գործակալությունը։
Նրա խոսքերով՝ Պոմպեոյին դուր է եկել այն գաղափարը, որ խորհրդականի պաշտոնում մեկ ուրիշը լինի։
Սակայն ԱՄՆ առաջնորդը չի մանրամասնել, թե արդյոք խոսքը գնացել է Պոմպեոյի՝ Սպիտակ տուն հնարավոր տեղափոխության, թե պաշտոնները համատեղելու մասին։
Նա նաև նշել է, որ դեռ 15 թեկնածու կա և նրանք բոլորն էլ ցանկանում են զբաղեցնել այդ պաշտոնը։
