Ռուսաստանը շարունակում է տնտեսական «զենք» կիրառել Ուկրաինայի դեմ՝ գրում է The New York Times-ը: Վերջին օրինակներից թերթը նշում է գազի գնի բարձրացումը: Ավելի վաղ «Գազպրոմի» ղեկավար Ալեքսեյ Միլլերը հայտարարել էր, որ Ուկրաինայի համար ռուսական գազի գինը երկրորդ եռամսյակից կավելանա՝ 1000 խորանարդ քառակուսու դիմաց ներկայիս 268.5 դոլարից հասնելով 385.5 դոլարի:
Ինչպես կարծում է թերթը, Մոսկվան երկար տարիների ընթացքում Ուկրաինայի դեմ հմտորեն օգտագործել է տնտեսական «սպառազինության» բազմաթիվ տեսակներ: Սպասվում է, որ այն կշարունակի նման քաղաքականությունը՝ կարծիք է հայտնում հոդվածագիրը:
Միևնույն ժամանակ, Ռուսաստանը Ղրիմում բարձրացրել է պետական ոլորտի աշխատողների աշխատավարձերն ու կենսաթոշակները՝ ի ցույց դնելով Մոսկվայի հետ միությունից ֆինանսական օգուտը՝ ասվում է հոդվածում:
