Այսօր՝ սեպտեմբերի 11-ին, Ազգային ժողովը շարունակում է աշխատանքները: Այժմ քննարկվում է Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին օրենքի նախագիծը 1-ին ընթերցմամբ ընդունելու մասին հարցը:
«Դուք փաստորեն օրենսդրի գործառույթից հանել եք հարկը որոշելու սահմանադրական լիազորությունը և տարել կառավարության որոշում: Սա եթե այս պահին չասեմ, որ հակասահմանադրական է, պնդում եմ՝ կառավարության իրավական թևի պատասխանատուների հետ քննարկեք այս հարցը, հակառակ դեպքում ստիպված կլինենք խոսել որպես Սահմանադրությանը հակասող՝ առ այն, որ գույքահարկի գումարը չի որոշում օրենսդիրը»,- հայտարարեց «Լուսավոր Հայաստան» խմբակցության պատգամավոր Մանե Թանդիլյանը:
Նրա խոսքով՝ եթե սրան անդրադարձ չլինի, կլինեն լրջագույն խնդիրներ:
Մանրամասները՝ տեսանյութում: