Ինչպես հաղորդում է The Daily Telegraph-ը, Sotheby’s աճուրդների տանը վաճառքի է հանվել Ջեյմս Ջոյսի անձնագիրը: Աճուրդների տան մասնագետների կարծիքով, այն կարող է վաճառվել ավելի քան 100 հազար դոլարով: Վաճառքը կիրականացվի հուլիսի 14-ին:
Հետաքրքիր է, որ Ջոյսի անձնագրի մեջ կան նաև նրա երեխաների և կնոջ նկարները: Սակայն տարօրինակն այն է, որ Ջեյմս Ջոյսն ու իր կինը պաշտոնապես ամուսնացել են 1931 թ., իսկ 1915 թ. Ցյուրիխում տրված անձնագրում նրա նկարն արդեն փակցվել է: Անձնագրում նրանց նկարների կողքին կա Ջոյսի և կնոջ արտաքին տվյալների նկարագրություն:
Աճուրդների տան մասնագետները նշել են, որ անձնագրին առանձնակի արժեք է հաղորդում այն փաստը, որ այն Ջոյսը կրել է «Ուլիսես» վեպը գրելիս:
