ԱՄՆ Օկլահոմա նահանգի դատարանը բավարարել է պետական դատախազի հայցը և Johnson & Johnson ընկերությանը պարտավորեցրել ավելի քան 572 միլիոն դոլար վճարել օփիոիդային ճգնաժամի գործով, հաղորդում է NBC News-ը:
Քլիվլենդի շրջանային դատավոր Թադ Բոլքմենը վճռել է, որ Johnson & Johnson-ը ցավազրկող միջոցների վաճառքի շուկայավարման մեթոդներ է կիրառել, որոնք նպաստել են Օկլահոմայում օփիոիդային ճգնաժամի առաջացմանը:
Johnson & Johnson-ում հայտարարել են դատարանի որոշումը բողոքարկելու իրենց մտադրության մասին:
2018 թ.-ի մայիսին ԱՄՆ առաջնորդ Դոնալդ Թրամփը օրենք է ստորագրել, որը ամերիկացիների համար հեշտացնում է բուժման փորձարարական մեթոդների հասանելիությունը, եթե նրանք տառապում են կյանքին սպառնացող վտանգավոր հիվանդություններով:
2017 թ.-ի հոկտեմբերին ԱՄՆ-ում օփիոիդային ճգնաժամը հանրային առողջության ոլորտում արտակարգ իրավիճակ է հայտարարվել: